სს მიკროსაფინანსო ორგანიზაცია „კრედიტსერვისი +“-ში სერვისცენტრის მენეჯერებისთვის სამდღიანი სამენეჯერო ტრენინგი ჩატარდა. პროგრამის ავტორი და ტრენერი იყო Momentum 360°-ის დამფუძნებელი და NLP პრაქტიკოსი დავით დათუსანი, რომელსაც პროფესიული საქმიანობის 20 წელზე მეტი გამოცდილება აქვს.

ტრენინგის მიზანი მენეჯერული უნარების განვითარება, ლიდერული ხედვის გაძლიერება, გუნდური მუშაობის ეფექტიანობის ზრდა და გაყიდვების პროცესის ახალი პერსპექტივიდან გააზრება იყო.

პროგრამა ინტერაქციულ და პრაქტიკულ ფორმატში წარიმართა. მონაწილეები მუშაობდნენ კონკრეტულ დავალებებზე, მსჯელობდნენ რეალურ სამუშაო პროცესებთან დაკავშირებულ საკითხებზე და ერთმანეთს გამოცდილებას უზიარებდნენ. განსაკუთრებული ყურადღება დაეთმო მენეჯერის როლს გუნდის განვითარებაში, მომხმარებელთან ურთიერთობასა და საერთო ბიზნესშედეგების მიღწევაში.

ტრენინგის პირველი დღე ლიდერული იდენტობისა და ეფექტური მენეჯმენტის საკითხებს დაეთმო. მონაწილეებმა იმსჯელეს კითხვაზე „ვინ ვარ მე, როგორც ლიდერი?“ და განიხილეს, რა პასუხისმგებლობა აკისრია სერვისცენტრის მენეჯერს გუნდის მართვისა და საერთო შედეგების შექმნის პროცესში.

მუშაობის ფარგლებში მონაწილეებმა შეაფასეს ეფექტური მენეჯერის ძირითადი მახასიათებლები, ლიდერობის მნიშვნელობა და კომუნიკაციის როლი ყოველდღიურ საქმიანობაში. ასევე განიხილეს ქცევის ნეიროფიზიოლოგიური საფუძვლები და ის მიდგომები, რომლებიც ადამიანების უკეთ გაგებასა და გუნდთან ეფექტურ ურთიერთობას უწყობს ხელს.

მეორე დღის მთავარი თემა ორგანიზაციის, როგორც თანამშრომლების, მომხმარებლებისა და ბიზნესის განვითარების შესაძლებლობების სივრცის, გააზრება იყო.

მონაწილეებმა განიხილეს პერსონალური და ორგანიზაციული შედეგების გაუმჯობესების გზები, ინდივიდუალური პასუხისმგებლობის მნიშვნელობა და თითოეული თანამშრომლის წვლილი საერთო მიზნების მიღწევაში.

განსაკუთრებული ყურადღება დაეთმო პირადი მიზნებისა და ორგანიზაციის პრიორიტეტების ურთიერთკავშირს, ასევე იმას, თუ რა გავლენას ახდენს თითოეული თანამშრომლის საქმიანობა გუნდზე, სერვისცენტრზე, ორგანიზაციასა და მის გარემოზე.

დისკუსიების ფარგლებში მენეჯერებმა იმსჯელეს, როგორ შეიძლება ყოველდღიური სამუშაო უფრო გააზრებულ საქმიანობად იქცეს, რომელიც არა მხოლოდ ინდივიდუალურ, არამედ საერთო ორგანიზაციულ შედეგსაც ემსახურება.

ტრენინგის მესამე დღე გაყიდვების პროცესის გაუმჯობესებას, მომხმარებლის საჭიროებების სწორად განსაზღვრასა და პროდუქტის ღირებულების ეფექტიანად წარმოჩენას დაეთმო.

მონაწილეებმა „ბიზნეს სესხის“ პროდუქტი ახალი პერსპექტივიდან განიხილეს და იმსჯელეს, როგორ შეიძლება მომხმარებლის საჭიროებებზე დაფუძნებული მიდგომის გამოყენებით გაყიდვების შესაძლებლობების უკეთ გამოვლენა.

ყურადღება გამახვილდა მომხმარებელთან კომუნიკაციაზე, მისი მოთხოვნების სწორად გააზრებასა და ისეთი შეთავაზების ჩამოყალიბებაზე, რომელიც რეალურ საჭიროებას პასუხობს. დღის მთავარი გზავნილი იყო პროდუქტის მხოლოდ შეთავაზებიდან მომხმარებლისთვის შესაბამისი ფინანსური შესაძლებლობის წარმოჩენაზე გადასვლა.

სამი დღის განმავლობაში მონაწილეებმა ლიდერობა, გუნდური მუშაობა და გაყიდვების განვითარება ერთიან მენეჯერულ ხედვაში გააერთიანეს. ტრენინგმა მათ შესაძლებლობა მისცა, ყოველდღიური საქმიანობა ახალი პერსპექტივიდან შეეფასებინათ, გაეანალიზებინათ საკუთარი პასუხისმგებლობა და გამოევლინათ ის შესაძლებლობები, რომლებიც გუნდისა და ორგანიზაციის განვითარებას უწყობს ხელს.

„კრედიტსერვისი +“-ისთვის თანამშრომლების პროფესიული განვითარება და მენეჯერული კომპეტენციების გაძლიერება ორგანიზაციული წინსვლის მნიშვნელოვანი ნაწილია. მსგავსი ინიციატივები ხელს უწყობს გამოცდილების გაზიარებას, ეფექტური მართვის მიდგომების განვითარებასა და მომხმარებელზე ორიენტირებული მომსახურების გაუმჯობესებას.

ორგანიზაცია თანამშრომლების განვითარებაზე ზრუნვასა და საქმიანობის მუდმივ გაუმჯობესებას მომავალშიც გააგრძელებს.