კრედიტსერვისი+ აქტიურად აგრძელებს გარემოზე ზრუნვისა და მდგრადი განვითარების მიმართულებით ნაბიჯების გადადგმას. სწორედ ამ სტრატეგიის ფარგლებში, კომპანია 2026 წლიდან გადადის ელექტრო ავტომობილების გამოყენებაზე.

ელექტრო ტრანსპორტზე გადასვლის პროცესი ჯერ კიდევ 2025 წელს დაიწყო, როდესაც კომპანიის ავტოპარკში ეტაპობრივად დაემატა პირველი ელექტრო მანქანები (10% უკვე შეიცვალა). ჩვენი მიზანია, სრულად ჩავანაცვლოთ არსებული შიდა წვის ძრავაზე მომუშავე ავტომობილები თანამედროვე და ეკოლოგიურად სუფთა ელექტრო მანქანებით.

ეს გადაწყვეტილება ემსახურება რამდენიმე მნიშვნელოვან მიზანს:

• CO₂-ის ემისიების მინიმიზაციას
• საწვავის მოხმარების შემცირებას და ენერგოეფექტურობის ზრდას

ელექტრო ავტომობილების გამოყენება მნიშვნელოვნად ამცირებს ჰაერის დაბინძურებას და ხელს უწყობს ეკოლოგიურად სუფთა გარემოს შექმნას.

“კრედიტსერვისი+” -ში მიგვაჩნია, რომ ბიზნესს აქვს პასუხისმგებლობა არა მხოლოდ ფინანსური შედეგების, არამედ სოციალური და ეკოლოგიური გავლენის მიმართაც. სწორედ ამიტომ, ელექტრო ტრანსპორტზე გადასვლა ჩვენი გრძელვადიანი ხედვის ნაწილია, რათა თანამედროვე, პასუხისმგებლიანი და გარემოს დაცვაზე ორიენტირებული კომპანია ვიყოთ.